Is this a person of interest above?UN ELEMENTO CU YAMA TACOPINA!
Ayera nochi, e abogado cu ta representa Joran na
Merca a haya ta bon di splica, na un manera baho,
cu mi lo tin prehuicio contra Joran pasobra su tata
tabata den e team cu a stroba varios miembro di
mi famia di drenta Merca.
Ata otro elemento mas cu no sa lesa Papiamento y
no tin ningun nocion kico mi a yega di bisa di Joran.
Mi a bisa den varios ocasión cu mi no sa si e ta
culpable of inocente! Ademas, mi no tin ningun clase
di prehuicio contra Joran o su tata! Mi no tin ningun
idea cu Paul por tabata den cualke comision cu a
huzga ken cu ta den mi famia.
E ta noticia pa mi!
Joe Tacopina, cu su estilo bruha di trece cosnan
padilanti, forzando un conclusion cu no ta existi, kier
defende un gañador habitual, cronico, cu tin un
historia di violencia comproba.
Joran tabata conoci na su school como un mucha
cu tabata "bully" muchanan mas jong; el a ser describi
pa un profesor como un gañador habitual; el a ser
sorprendi cu mannan den e lockernan di otro
muchanan; e tabata bao tratamento pa su
imposibilidad di controla su rabia y e parti
violento di su caracter; e tabata hunga weganan
di placa den casino na un edad prohibi pa pone
pia den casino, y varios biaha acompaña pa su
tata!
Ta den ki clase di "santo" Tacopina kier converti
Joran? E no sa cu Joran a gaña cu Deepak a bin
buske riba beach, y ora Deepak a pare bisando
cu no ta berdad, el a cambia pa Satish. Ora Satish
tambe a pare y a bise cu no ta berdad, el a laga e
pregunta den aire y lo ta bon pa Tacopina, cu su
gran sabiduria, splica nos con Joran a yega su
cas e madruga ey, cu of sin zapato!
Otro punto cu Tacopina, den su afan febril di defende
su cliente, no a tene na cuenta ta lo siguiente:
con Deepak por a bin busca Joran riba beach, si
Joran a declara na 4 oficial di Polis
dia 13 di Juni 2005 cu Deepak tabata cune riba
beach, cu Deepak a bay back cerca e mucha muher
unda el a lague drumi riba santo, y cu e ta kere cu
Deepak a rape y después a mata e mucha?
Tacopina por ta un bon abogado, pero den e caso
aki e ta leu for di cas!
Y con Tacopina ta splica e hecho cu Joran ta bisa
polis cu nan tabata tin sex cu Natalee ora cu e tabata
drenta y sali di tino, y djey, na television e ta bisa cu
pasobra e no tabata tin un preservativo e no a haci
sex cune! Ta pa ken Tacopina kier tuma nos?
Pa bobo? Un mucha di diesiete aña cu un solo cos
na su mente, ta bay laga un oportundiad asina pasa
djis pasobra e no tin un preservativo? Y Tacopina ta
kere Joran ora cu el a bisa Greta cu NUNCA el a tene
relacion sexual cu un mucha muher sin usa condon?
Come now, Mister Tacopina, duna nos por lo menos
un tiki mas consideracion y stop di insulta nos
inteligencia!
Y Tacopina ta lubida tambe, voluntariamente por ta?,
cu su cliente mes a admiti na Polis cu nan a hiba
Natalee su apartamento for di Carlos and Charlies!
Ta con e por tabata na su apartamento cu Natalee y na
e mesun momento riba beach cune? Lo ta bon pa
Tacopina splica nos e matematica ey di tempo,
pasobra den nos matematica bo no por ta na dos
lugar diferente na e mesun momento!
Di un banda mi ta goza e Tacopina ey si, pasobra e
ta ponemi hari cu su payasadanan. Si en realidad e
ta un abogado interesa den e berdad, e no lo ta
plamando tanto mentira cu por hasta competi cu
esnan di su cliente.
Finalmente (pa awor) ta con Tacopina ta splica e
hecho concreto cu su cliente tabata e ultimo cu
tabata cu Natalee na momento cu el a desaparece
y di repente no sa kico a pasa cune?
Tabata tin magia envolvi? Tacopina ta kere cu
Yomanda, Negro Felipe, of Maria Lionza por
tabata envolvi? Pasobra ta imposible cu Joran no
sa kico a pasa cu Natalee si e ta e delaster persona
cu tabata cu Natalee na su apartamento, o riba
beach, manera cu e mes a admiti den tanto ocasion!
E tipo di expresionnan di Tacopina no ta parcemi
di un persona serio, y mucho menos di un abogado
cu ta kere den e berdad.
Por ta cu su tarea ta di defende su cliente, sea
cu e ta kere cu e ta culpable of inocente, pero
lague hacie na un manera profesional,
reconociendo e mentiranan multiple di Joran, y no
trata di reduci nan na dos so, manera cu el a
purba haci ayera noche!
Si e kier mi ta splike cuanto mentira y cambiamento
di storia Joran a ofrece Polis!
Nos ta bon al tanto di tur!
(Read the full translation at Aruba Getagrip)
No comments:
Post a Comment